सोमेश्वर सहकारी साखर कारखाना निवडणूक : मतमोजणीला सुरुवात

बारामती : प्रतिनिधी

बारामती तालुक्यातील सोमेश्वर सहकारी साखर कारखान्याच्या निवडणुकीच्या मतमोजणीला आज सकाळपासून सुरुवात झाली आहे. बारामतीतील कृष्णाई लॉन्समध्ये मतमोजणी प्रक्रिया सुरु झाली असून प्राथमिक अंदाजानुसार राष्ट्रवादीपुरस्कृत सोमेश्वर विकास पॅनलने आघाडी घेतल्याचे दिसत आहे.

सोमेश्वर सहकारी साखर कारखान्याच्या निवडणूकीसाठी मंगळवारी मतदान प्रक्रिया पार पडली. त्यामध्ये २० हजार ७२९ सभासदांनी मतदानाचा हक्क बजावला. आज सकाळी ८ वाजता बारामतीतील कृष्णाई लॉन्समध्ये मतमोजणी प्रक्रियेला सुरुवात झाली.

गटनिहाय मतपेट्या फोडून त्यानुसार मतमोजणी केली जात आहे. ४१ टेबलवर ही मोजणी सुरु आहे. २२० कर्मचारी या मतमोजणीसाठी नियुक्त करण्यात आलेत.

दरम्यान, प्राथमिक कल लक्षात घेता राष्ट्रवादी पुरस्कृत सोमेश्वर विकास पॅनल आघाडीवर असून बहुतांश गावात या पॅनलला विक्रमी मतदान झाले आहे.