Breaking : सोमेश्वरच्या निवडणुकीत पहिल्या गटात ‘राष्ट्रवादीच’; कार्यकर्त्यांकडून जल्लोषाला सुरुवात

बारामती : प्रतिनिधी

सोमेश्वर सहकारी साखर कारखान्याच्या निवडणूकीत राष्ट्रवादीपुरस्कृत सोमेश्वर विकास पॅनलने आघाडी घेतली आहे. निंबुत-खंडाळा गटातील तीनही उमेदवार विजयी झाले आहेत.

सोमेश्वर विकास पॅनलकडून निंबुत-खंडाळा गटात जितेंद्र नारायण निगडे, लक्ष्मण गंगाराम गोफणे आणि अभिजीत सतीशराव काकडे यांचा विजय झाला आहे. प्राथमिक कल पाहता विरोधी सोमेश्वर परिवर्तन पॅनलला १० टक्क्यांपेक्षा कमी मते मिळाली आहेत.

एकूण मतमोजणीचा अंदाज पाहता या निवडणुकीत सोमेश्वर विकास पॅनलला एकतर्फी विजय मिळेल, असे चित्र आहे. त्यामुळे कार्यकर्त्यांनी आतापासूनच जल्लोषाला सुरुवात केली आहे.