मुंबई : प्रतिनिधी
विधानपरिषदेच्या आज झालेल्या निवडणुकीत राष्ट्रवादीचे रामराजे नाईक निंबाळकर, एकनाथ खडसे, शिवसेनेचे सचिन आहीर, आमशा पाडवी, कॉँग्रेसचे चंद्रकांत हंडोरे यांच्यासह भाजपच्या प्रवीण दरेकर, श्रीकांत भारतीय, राम शिंदे, उमा खापरे यांचा विजय झाला आहे. महाविकास आघाडीचे एकूण पाच उमेदवार विजयी झाले असून भाई जगताप आणि प्रसाद लाड यांच्यात अटीतटीची लढत होत आहे.
विधान परिषदेच्या १० जागांसाठी आज मतदान प्रक्रिया पार पडली. त्यामध्ये १० जागांसाठी ११ उमेदवार रिंगणात होते. दुपारी चार वाजेपर्यंत मतदान प्रक्रिया पार पाडली. मतमोजणीमध्ये आमदार लक्ष्मण जगताप आणि मुक्ता टिळक यांच्या मतदानावर आक्षेप घेण्यात आला होता. मात्र निवडणूक आयोगाने त्यांचे मत ग्राह्य धरले.
दुसरीकडे रामराजे निंबाळकर यांच्या कोट्यातील एका आणि उमा खापरे यांच्या एका मतावर आक्षेप घेण्यात आला. महाविकास आघाडीच्या पाच जागांचे निकाल हाती आले असून पाचही जागांवर विजय झाला आहे. तर सहाव्या जागेसाठी भाई जगताप आणि प्रसाद लाड यांच्यात अटीतटीची लढत होत आहे.
