मुंबई : प्रतिनिधी
रुपाली चाकणकर यांची राज्य महिला आयोगाच्या अध्यक्षपदी निवड झाल्यानंतर रिक्त झालेल्या राष्ट्रवादी महिला प्रदेशाध्यक्षपदी माजी आमदार विद्या चव्हाण यांची वर्णी लागली आहे. राष्ट्रवादी महिला राष्ट्रीय अध्यक्षा खासदार फौजिया खान यांनी या निवडीची घोषणा केली.
सध्या भाजपमध्ये असलेल्या चित्रा वाघ यांनी राष्ट्रवादी महिला प्रदेशाध्यक्ष पदाचा राजीनामा दिल्यानंतर त्यांच्या जागी रुपाली चाकणकर यांची नियुक्ती करण्यात आली होती. त्यानंतर महाविकास आघाडीचे सरकार महाराष्ट्रात आल्यानंतर रुपाली चाकणकर यांची नियुक्ती राज्य महिला आयोगाच्या अध्यक्षपदी करण्यात आली.
महिला आयोगाच्या अध्यक्षपदी निवड झाल्यामुळे चाकणकर यांना राष्ट्रवादी महिला प्रदेशाध्यक्ष पदाचा राजीनामा द्यावा लागला होता. याच पदावर आता चव्हाण यांची नियुक्ती झाली आहे. विद्या चव्हाण यांची राष्ट्रवादीच्या अभ्यासू नेत्या अशी ओळख आहे. त्यांना विधानपरिषदेवर देखील संधी देण्यात आली होती.या निवडीनंतर राष्ट्रवादी महिला कॉंग्रेसच्या विभागीय अध्यक्षांच्या निवडी करण्यात आल्या आहेत.
विभागनिहाय राष्ट्रवादी महिला अध्यक्षा
नागपूर विभाग – शाहीन हकीम
अमरावती विभाग – वर्षा निकम
मराठवाडा विभाग 2
औरंगाबाद विभाग – शाझिया शेख
लातूर विभाग – वैशाली मोते
पश्चिम महाराष्ट्र – कविता म्हेत्रे
पुणे विभाग – वैशाली नागवडे
कोकण विभाग 2
सिंधुदुर्ग विभाग – अर्चना घारे
ठाणे विभाग – ऋता आव्हाड
उत्तर महाराष्ट्र विभाग – अनिता परदेशी
