BIG NEWS : उद्या अजितदादांचा बारामती दौरा; विविध कार्यक्रमांबरोबरच जनता दरबाराचेही आयोजन..!

बारामती : प्रतिनिधी

विरोधी पक्षनेते अजित पवार हे उद्या रविवार दि. २१ मे रोजी बारामती दौऱ्यावर येत आहेत. पहाटे ६ वाजता अजितदादांच्या दौऱ्याला सुरूवात होणार असून शहर व परिसरातील विविध विकासकामांची पाहणी केली जाणार आहे. सकाळी ९ वाजता विद्या प्रतिष्ठान शैक्षणिक संकुलात अजितदादांचा जनता दरबार होणार आहे.

विरोधी पक्षनेते अजित पवार हे रविवारी बारामतीसह पुरंदर आणि पुण्यातील विविध कार्यक्रमांना उपस्थित राहणार आहेत. पहाटे ६ वाजल्यापासून ते बारामती शहर आणि परिसरातील विविध विकासकामांची पाहणी करतील. त्यानंतर सकाळी ९ वाजता विद्या प्रतिष्ठान शैक्षणिक संकुलात नागरीकांच्या भेटीगाठी व जनता दरबाराचे आयोजन करण्यात आले आहे.

सकाळी साडेअकरा वाजता तांदूळवाडी येथील ज्येष्ठ नागरीक निवास येथील भोजन कक्ष व करमणूक कक्षाचे उदघाटन अजितदादांच्या हस्ते होणार आहे. त्यानंतर दुपारी १२-३० वाजता भिगवण रस्त्यावरील द लिफ या रेस्टॉरंटचे उदघाटन कार्यक्रमाला ना. अजित पवार हे उपस्थित राहतील.

दुपारी २ वाजता मोतीबाग येथील मुक्ताई टेक्सटाइल कापड दुकानाचे उदघाटन आणि २-३० वाजता पाहुणेवाडी येथील तावरे कॉम्प्लेक्स आणि राष्ट्रवादी जनसंपर्क कार्यालयाचे उदघाटन ना. अजित पवार यांच्या हस्ते होणार आहे. दुपारी ३ वाजता माळेगाव येथील शंकर नागरी पतसंस्थेत भारतीय सैन्य दल व महाराष्ट्र पोलिस दलात भरती झालेल्या विद्यार्थीनींचा सत्कार अजितदादांच्या हस्ते होईल.

दुपारी ३-४५ वाजता माळेगाव साखर कारखान्याच्या गोदामाचे उदघाटन होणार असून ५-३० वाजता पुरंदर येथे आदर्श क्रांती संघटनेच्या सामूहिक विवाह सोहळ्याला अजितदादा उपस्थित राहणार आहेत. त्यानंतर ते पुढील कार्यक्रमासाठी पुण्याला रवाना होणार आहेत.