मुंबई : प्रतिनिधी
राष्ट्रवादी कॉंग्रेस पक्षाचे अध्यक्ष ज्येष्ठ नेते शरद पवार यांना ट्विटरवरुन जीवे मारण्याची धमकी देण्यात आली आहे. तुझा दाभोळकर केला जाईल अशा स्वरुपाची धमकी शरद पवार यांना देण्यात आली आहे. दरम्यान, याबाबत खासदार सुप्रिया सुळे यांनी पोलिस आयुक्तांची भेट घेत संबंधितांवर कारवाईची मागणी केली आहे.
सौरभ पिंपळकर या ट्विटर हॅन्डलवरुन तुझा दाभोळकर केला जाईल अशी धमकी देण्यात आली आहे. या धमकी प्रकरणानंतर एकच खळबळ उडाली आहे. या प्रकरणाची गंभीर दखल घेत खासदार सुप्रिया सुळे यांनी मुंबई पोलिस आयुक्तांची भेट घेतली. या प्रकरणी कडक कारवाई करण्याची मागणी त्यांनी केली.
दरम्यान, या घटनेमुळे राष्ट्रवादी कॉंग्रेस पक्षातून तीव्र संताप व्यक्त होत आहे. कार्यकर्त्यांकडून या व्यक्तीवर कारवाईची मागणी होत आहे.