PUNE BREAKING : पुण्यातील स्वामीनारायण मंदिराजवळ कंटेनरला आग; आगीत चौघांचा होरपळून मृत्यू

पुणे : प्रतिनिधी

पुणे शहरातील नवले पूल परिसरातील स्वामीनारायण मंदिराजवळ एका कंटेनरला आग लागल्याची घटना घडली आहे. या घटनेत चौघांचा होरपळून मृत्यू झाल्याची माहिती मिळत असून एका कंटेनरला दुसऱ्या कंटेनरने धडक दिल्यानं ही घटना घडली. दरम्यान, या ठिकाणी काहीजण अडकल्याची माहिती आहे. अग्निशमन दलाचे अधिकारी व जवान घटनास्थळी दाखल झाले असून त्यांच्याकडून बचावकार्याला सुरुवात करण्यात आली आहे.

आज रात्री नवले पूल येथील स्वामीनारायण मंदिराजवळ एका कंटेनरनं दुसऱ्या कंटेनरला धडक दिली. त्यामुळे लागलेल्या आगीत चौघांचा मृत्यू झाला आहे. या घटनेनंतर अग्निशमन दलाचे अधिकारी व जवान घटनास्थळी दाखल होत कंटेनरमध्ये अडकलेल्या व्यक्तींना बाहेर काढण्याचे काम सुरू केले.

या घटनेत एका कंटेनरचे केबिन पूर्णपणे जळून खाक झाले आहे. यातील जखमींना उपचारासाठी तातडीने रुग्णालयात नेण्यात आले आहे.