पुणे : प्रतिनिधी
तळोजा कारागृहातून सुटकेनंतर कुख्यात गुंड गजा उर्फ गजानन मारणेच्या समर्थकांनी शक्तीप्रदर्शन करत तळोजा ते पुण्यापर्यंत मिरवणूक काढली होती. त्यानंतर पुन्हा गजा मारणेला अटक करण्यात आली होती. अशातच आता गजा मारणेचा मुलगा प्रथमेश मारणे याच्याविरूद्ध गुन्हा दाखल करण्यात आला आहे. एका २२ वर्षीय मुलीवर बलात्कार केल्याचा गंभीर आरोप त्याच्यावर आहे.
पिडीत तरूणीने सिंहगड पोलीस ठाण्यात फिर्याद दिली आहे. प्रशमेश मारणे हा पिडीत तरूणीला आधीपासून ओळखत होता. ही तरूणी महाविद्यालयात शिकायला होती.प्रथमेशने तिला खडकवासल्याला फिरण्यासाठी नेलं आणि नंतर एका लाॅजवर नेवून तिच्यावर बळजबरी केली. त्याचबरोबर तिचे अश्लिल व्हिडीओ देखील शूट केले.
मागील काही महिन्यांपासून प्रकार सुरू होता. ज्यावेळी तरूणीला अश्लिल व्हिडीओबद्दल समजलं त्यावेळी तिने व्हिडीओ डिलीट करण्याची विनंती केली. त्याचबरोबर पोलिसात तक्रार देईल, अशी धमकी देखील दिली. मात्र, प्रथमेशने तिचं न ऐकता व्हिडीओ सोशल मीडियावर व्हायरल करण्याची धमकी दिली. त्यामूळे या तरुणीने शेवटी पोलिसांत तक्रार दिली.