जेजुरी : प्रतिनिधी
जेजुरीचे माजी नगरसेवक मेहबूब पानसरे यांच्यावर आज सायंकाळी तलवारी व कुऱ्हाडीने खूनी हल्ला झाला. या घटनेत गंभीररित्या जखमी झालेल्या मेहबूब पानसरे यांना पुण्यात उपचारासाठी दाखल करण्यात आलं. मात्र उपचारादरम्यान त्यांचा मृत्यू झाला. दरम्यान, जमिनीच्या वादातून पानसरे यांची हत्या झाल्याची प्राथमिक माहिती असून या घटनेने परिसरात खळबळ उडाली आहे.
आज शुक्रवारी सायंकाळी ५ वाजण्याच्या सुमारास मेहबूब पानसरे यांच्यावर अज्ञात हल्लेखोरांनी कुऱ्हाड, तलवारीच्या सहाय्याने वार केले. त्यामध्ये पानसरे हे गंभीररित्या जखमी झाले होती. सुरुवातीला जेजुरीतील खासगी रुग्णालयात त्यांच्यावर उपचार करण्यात आले. मात्र त्या ठिकाणी सुविधांच्या अभावामुळे त्यांना तातडीने पुण्यात हलवण्यात आले.
हडपसर येथील सह्याद्री हॉस्पिटलमध्ये त्यांच्यावर उपचार सुरु करण्यात आले होते. मात्र गंभीर जखमी झालेल्या पानसरे यांची उपचारादरम्यान प्राणज्योत मालवली. या प्रकरणामुळे जेजुरी परिसरात एकच खळबळ उडाली आहे. जेजुरी पोलिस अधिक तपास करीत आहेत.