पुणे : प्रतिनिधी
पिंपरी चिंचवड परिसरात एक धक्कादायक प्रकार घडलेला आहे. एका तरुणाने चक्क पीएमपीएमएल बस चालकाला बेदम मारहाण केल्याची घटना घडली आहे. हा प्रकार पिंपरी-चिंचवड शहरातील नेहरूनगर या ठिकाणी संतोषीमाता चौकात भरदिवसा घडला.
याबाबत माहिती अशी की, संबंधित तरुणाची दुचाकी बसला आडवी येत होती. त्यामुळं त्याला दुचाकी काढायला सांगितली होती आणि याच कारणावरून हा तरुण शिवीगाळ करत बसमध्ये चढला आणि बसमध्ये चढून चक्क बसचालकाला मारहाण करू लागला.
ऋषिकेश घोडेकर याने ही मारहाण केली आहे. तुला माहित आहे का, मी कोण आहे ? अस म्हणत या तरुणाने पीएमपीएमएल बस चालकाला जोरदार मारहाण केली. मारहाण करतानाचा व्हिडिओ सध्या सोशल मीडियावर चांगलाच व्हायरल होत आहे.