‘…तुम्ही तयार आहात का?’ म्हणत श्रीदेवीच्या ‘या’ हिट गाण्यावर पाकिस्तानी अभिनेत्रीने केला परफाॅर्म, पाहा व्हिडिओ

मुंबई : प्रतिनिधी

बॉलिवूडचे अनेक कलाकार आज आपल्यात नाहीत. परंतू चाहते त्यांना आजही विसरू शकत नाही. दिवंगत अभिनेत्री  श्रीदेवी यांचे चाहते देशात आणि विदेशातही खूप आहेत. नुकताच एक व्हिडीओ सोशल मीडियावर व्हायरल होते आहे. पाकिस्तानी अभिनेत्री आयजा खानने एक नवीन रिल्स इंस्टाग्रामवर अकांऊटवर शेअर केले आहे. तिने या व्हिडीओमध्ये श्रीदेवी यांच्या ‘चांदनी’ चित्रपटातील ‘मेरे हाथों में नौ-नौ चुड़ियां हैं’ गाण्यावर भन्नाट परफॉर्म केला आहे.

या व्हिडीओमध्ये आयजाने गुलाबी रंगाचा ड्रेस परिधान केला आहे. आयजाच्या या व्हिडिओवर चाहते खूप लाईक आणि कमेंट करत आहेत. सोशल मीडियावर आयजाचे ९ लाखांहून अधिक फॉलोअर्स आहेत. आयजाने व्हिडिओ शेअर करताना  लिहिले की,“गीतीचे लग्न… तुम्ही तयार आहात का?” कॅपशन पाहून चाहते तिची खिल्ली उडवत आहेत. तर काही चाहते तिच्या सौंदर्याचे आणि डान्सचे खूप कौतुक करत आहेत.

आयजाविषयी बोलायचे झाले, तर आयजा सोशल मीडियावर बर्‍यापैकी सक्रिय असते. ती चाहत्यांसाठी नेहमीच वेगळं काहीतरी करण्याचा प्रयत्न करते. तिने पाकिस्तान इंडस्ट्रीत खूप काम केले आहे. ‘लापता’ या शोमध्ये आयजाने गीती नावाच्या मुलीचे पात्र निभवले आहे. तिनं अनेक जबरदस्त मालिकांमध्ये काम केलं आहे. ‘मेरे पास तुम हो’ मालिकेतील तिच्या भूमिकेचं कौतुक झालं.