कोल्हापूर : प्रतिनिधी
उत्तर कोल्हापूर विधानसभा पोटनिवडणुकीत अपेक्षेप्रमाणे महाविकास आघाडीच्या उमेदवार जयश्री जाधव यांनी आघाडी घेतली आहे. २२ व्या फेरीअखेर जयश्री जाधव यांनी तब्बल १५ हजार मतांची आघाडी मिळवली आहे.
आमदार चंद्रकांत जाधव यांच्या निधनामुळे उत्तर कोल्हापूर मतदारसंघात पोटनिवडणुक झाली. त्यामध्ये कॉंग्रेसकडून जयश्री जाधव आणि भाजपकडून सत्यजित कदम हे निवडणूक रिंगणात होते. आज सकाळी या पोटनिवडणुकीच्या मतमोजणीला सुरुवात झाली.
मतमोजणीच्या सुरुवातीपासूनच जयश्री जाधव यांनी आघाडी घेतली आहे. काही फेऱ्या वगळता जयश्री जाधव यांची आघाडी कायम असून त्यांचा विजय निश्चित मानला जात आहे. महाविकास आघाडीकडून जयश्री जाधव यांच्या विजयाची घोषणा होण्यापूर्वीच कोल्हापूरात अभिनंदनाचे बॅनर झळकू लागले आहेत.
२२ व्या फेरीअखेर निकाल : जयश्री जाधव (काँग्रेस) – ८३३३८, सत्यजित कदम (भाजप) – ६७८१३, मताधिक्य – १५५२५