बारामती : प्रतिनिधी
रिलायन्स समूहाने कोरोनाच्या संकट काळात मदतीचा हात पुढे केला आहे. देशभरात रुग्णवाहिका, ऑक्सिजन टँकर आणि ऑक्सिजन सिलेंडर वाहतूक करणाऱ्या वाहनांना मोफत डिझेल पुरवण्याचा निर्णय रिलायन्सच्या वतीने घेण्यात आला आहे.बारामतीत कालपासून या निर्णयाच्या अंमलबजावणीला सुरुवात करण्यात आली आहे.
कोरोना काळात सामाजिक बांधिलकी जपत रिलायन्स समूहाने हा निर्णय घेतला आहे. त्यानुसार बारामतीतील रिलायन्स पंपावर या निर्णयाच्या अंमलबजावणीला सुरुवात करण्यात आली आहे. प्रांताधिकारी यांचे पत्र असलेल्या रुग्णवाहिकांसह ऑक्सिजन टँकर, वाहतूक करणाऱ्या वाहनांना ५० लिटर डिझेल मोफत देण्यात येणार असल्याचे रोहित सराफ यांनी सांगितले.
कंपनीने सुचवल्यानुसार नियमात असलेल्या वाहनांना ही योजना लागू राहणार आहे. कंपनीकडून पुढील आदेश मिळेपर्यंत ही योजना सुरू राहणार असून त्यातून रुग्णांना दिलासा देण्याचा प्रयत्न असल्याचे रोहित सराफ यांनी नमूद केले.