पुणे : प्रतिनिधी
बाणेर परिसरातून पाच दिवसांपूर्वी चार वर्षांच्या मुलाचे अपहरण झाले होते. पोलिसांना त्याचा शोध घेण्यात यश आले आहे. पिंपरी चिंचवड भागातील पूनावळे येथे तो सापडला असून त्याला त्याच्या कुटुंबीयांच्या स्वाधीन करण्यात आले आहे.
याबाबत अधिक माहिती अशी की, डूग्गु उर्फ स्वर्णम चव्हाण (वय ४) असे या चिमुरड्याच नाव आहे.. तो पायी चालत जात असताना बाणेरमधील हाय स्ट्रीट भागातुन एका ॲक्टिवा चालकाने अपहरण केले होते. याप्रकरणी चतुश्रृंगी पोलीस ठाण्यात तक्रार दाखल केली होती.
त्याच्या तपासासाठी पोलीसांनी सोशल मीडियावरून मदतीचे आवाहन केले होते. त्याचबरोबर त्याच्या तपासासाठी जवळपास ३०० ते साडतीनशे पोलिसांचा फौजफाटा कामाला लागला होता. पोलिसांच्या अथक प्रयत्नानंतर त्यांना अखेर यश मिळाले आहे.
या चिमुकल्याला पूनावळे या भागातून ताब्यात घेऊन सुखुरुप त्याच्या आई वडीलांकडे सोपवले आहे. त्याचे अपहरण का केले होते हे अद्याप अस्पष्ट आहे. याप्रकरणी अधिक तपास पोलिस करत आहेत.