मुंबई : प्रतिनिधी
शिवसंग्राम पक्षाचे प्रमुख आमदार विनायक मेटे (वय ५२) यांचे अपघाती निधन झाले. आज पहाटे मुंबई-पुणे महामार्गावर त्यांच्या वाहनाचा भीषण अपघात झाला. या अपघातामध्ये गंभीर जखमी झालेल्या . पनवेलच्या मेटे यांच्यावर एमजीएम रुग्णालयात उपचार चालू होते. मात्र उपचारादरम्यान त्यांची प्राणज्योत मावळली. दरम्यान, मेटे यांच्या अकाली निधनाने हळहळ व्यक्त होत आहे.
विनायक मेटे हे बीडवरून मुंबईच्या दिशेने जात होते. या दरम्यान, भाडप बोगद्याजवळ त्यांच्या कारचा भीषण अपघात झाला. या अपघातामध्ये विनायक मेटे यांच्या हात, पाय आणि डोक्याला प्रचंड मार लागला होता. त्यांना पनवेल येथील एमजीएम रुग्णालयात दाखल करण्यात आले. मात्र उपचारादरम्यान त्यांचे निधन झाले.
दरम्यान, मेटे यांच्या आकस्मिक निधनानंतर हळहळ व्यक्त होत आहे. विविध मान्यवरांनी मेटे यांच्याप्रति सहवेदना व्यक्त केल्या आहेत.
