मुंबई : प्रतिनिधी
ज्येष्ठ अभिनेते रमेश देव यांचे वयाच्या ९३ व्या वर्षी निधन झालं आहे. हृदयविकाराच्या झटक्याने आज त्यांची प्राणज्योत मालवली.
काही दिवसांपूर्वीच रमेश देव यांनी त्यांचा ९३ वा वाढदिवस साजरा केला होता. आज त्यांचे हृदयविकाराच्या झटक्याने निधन झाले. अंधेरी येथील कोकिलाबेन रुग्णालयात त्यांनी अखेरचा श्वास घेतला. त्यांचे सुपुत्र अभिनेते अजिंक्य देव यांनी त्यांच्या निधनाबद्दल माहिती दिली.
रमेश देव यांनी आपल्या दीर्घ कारकिर्दीत २८५ हून अधिक हिंदी चित्रपटांमध्ये काम केले. तर १९० मराठी चित्रपटांमध्ये भूमिका साकारत ३० मराठी नाटकांमध्येही काम केले. त्यांनी अनेक चित्रपट, माहितीपट आणि दूरदर्शन मालिका देखील दिग्दर्शित केल्या होत्या.
