मुंबई : प्रतिनिधी
ज्येष्ठ अभिनेते दिलीप कुमार यांचे आज निधन झाले. सर्वच स्तरातून त्यांना श्रद्धांजली वाहिली जात आहे. राष्ट्रवादीचे युवा नेते पार्थ पवार यांनीही दिलीपकुमार यांना श्रद्धांजली वाहिली आहे. ज्येष्ठ नेते शरद पवार आणि दिलीपकुमार यांचे दुर्मिळ छायाचित्र शेअर करीत पार्थ पवार यांनी जुन्या आठवणींना उजाळा देण्याचा प्रयत्न केला आहे.
दिलीपकुमार यांना श्रद्धांजली वाहताना पार्थ पवार यांनी ज्येष्ठ नेते शरद पवार आणि दिलीपकुमार यांचे एक दुर्मिळ छायाचित्र शेअर केले आहे. शरद पवार यांचे सर्व क्षेत्रात असणाऱ्या घनिष्ठ आणि मैत्रीपूर्ण संबंधांची या छायाचित्रातून प्रचिती येते. दिलीपकुमार यांचे शरद पवार यांच्यासोबत मैत्रीपूर्ण संबंध होते. त्यातूनच त्यांनी बारामती दौराही केल्याच्या आठवणी सांगितल्या जातात.
आज दिलीपकुमार यांचे निधन झाल्यानंतर युवा नेते पार्थ पवार यांनी हे दुर्मिळ छायाचित्र शेअर केला. त्यासोबतच भारतीय चित्रपट सृष्टीतील एका युगाचा अंत झाला आहे. हिंदी चित्रपट सृष्टीवर वर्षानुवर्षे अधिराज्य गाजवणारे ज्येष्ठ अभिनेते दिलीप कुमार जी यांच्या निधनाची बातमी दुःखद आहे. त्यांना भावपूर्ण श्रद्धांजली, अशा शब्दांत दिलीप कुमार यांना श्रद्धांजली वाहिली आहे.
