मुंबई : प्रतिनिधी
बॉलीवूडमधील प्रसिद्ध अभिनेता शाहरुख खान याला कोरोनाची लागण झाली आहे. गेल्या काही दिवसांत महाराष्ट्रातील कोरोना रुग्णांच्या संख्येत वाढ होत असतानाच अनेक राजकीय नेते आणि सेलीब्रेटी कोरोनाच्या विळख्यात अडकले आहेत.
प्रसिद्ध निर्माता आणि दिग्दर्शक करण जोहर यांनी नुकताच ५० वा वाढदिवस साजरा केला. त्यानिमित्त मोठ्या पार्टीचं आयोजन करण्यात आलं होतं. या पार्टीला बॉलीवूडमधील अनेक अभिनेते आणि अभिनेत्रींनी हजेरी लावली होती. दरम्यान, या पार्टीत शाहरुख खानही सहभागी झाला होता. ही पार्टीच कोरोचा हॉटस्पॉट ठरल्याची चर्चा आता होत आहे.
अनेक नामवंत सेलीब्रेटी आता कोरोना पॉझिटिव्ह असल्याचं समोर आलेलं असताना त्यामध्ये शाहरुख खानची भर पडली आहे. शाहरुख खानचा कोरोना चाचणी अहवाल पॉझिटिव्ह आल्याची माहिती समोर येत आहे. दरम्यान, राज्यात कोरोना रुग्णसंख्येत दिवसेंदिवस वाढ होत असून अनेक नेत्यांसह अभिनेत्यांना कोरोनाची लागण झाली आहे.
