‘राधे’ चित्रपट थिएटरमध्ये प्रदर्शित होणार!

ह्याचा प्रसार करा

सलमान खानचं थिएटर मालकांना ‘गिफ्ट’. 

बॉलिवूडचा दबंग सलमान खानचा आगामी चित्रपट ‘राधे…मोस्ट वॉन्टेड भाई’बद्दल चाहत्यांमध्ये कमालीची उत्सुकता आहे. हा चित्रपट गेल्या वर्षीच प्रदर्शित होणार होता. पण, करोनामुळे जाहीर केलेल्या लॉकडाउनमुळे चित्रपट निर्मात्यांच्या सर्व योजनेवर पाणी पडले. करोना विषाणूच्या कहरानंतर आता या चित्रपटाच्या प्रदर्शनाचा मुहूर्त ठरला आहे. ईदच्या मुहूर्तावर राधे प्रेक्षकांच्या भेटीला येणार आहे.  

सलमानचा हा चित्रपट ओटीटी प्लॅटफॉर्मवर प्रदर्शित करण्याच्या तयारीत निर्माते होते. मात्र, ‘राधे’ ओटीटीवर प्रदर्शित करू नये, असं सलमानचं मत होतं. त्यानुसार हा चित्रपट आता प्रेक्षकांना थिएटरमध्येच पाहाता येणार आहे.

करोनामुळं चित्रपटगृह मालकांवर मोठं संकट कोसळलं होतं. त्यांचा विचार करून सलमाननं हा मोठा निर्णय घेतला आहे. मला माफ कर, थिएटर मालकांसोबत चर्चा सुरु असल्यामुळं मला उत्तर द्यायला काहीसा उशिर झालाय. करोनामुळे परिस्थिती गंभीर झालीए. थिएटरचे मालक आर्थिक संकटांतन जात आहेत. त्यामुळंच त्यांच्या मदतीसाठी ‘राधे’ चित्रपट थिएटरमध्येच प्रदर्शित करण्याचा निर्णय घेतलाय. त्यामुळं त्यांनी माझ्या चाहत्यांची योग्य ती काळजी घ्या अशी विनंती करतो. २०२१ मध्ये ईदच्या मुहुर्तावरच चित्रपट प्रदर्शित होईल’, असं सलमाननं त्याच्या पोस्टमध्ये म्हटलं आहे.