सोमेश्वरनगर : प्रतिनिधी
सोमेश्वरनगर येथील बारामती तालुका आजी माजी सैनिक संघाचे फक्त तालुक्यात नव्हे तर राज्यभर सामाजिक योगदान दिले असून या नि:स्वार्थी पणे सुरू असलेल्या या कार्याचे करावे तेवढे कौतुक कमीच आहे, असे मत सोमेश्वर कारखान्याचे अध्यक्ष पुरुषोत्तम जगताप यानी व्यक्त केले.
स्वातंत्र्याच्या अमृत महोत्सवी वर्षानिमित्त जगताप यांच्या हस्ते ध्वजारोहण करण्यात आले. त्यानंतर झालेल्या कार्यक्रमात प्रमुख पाहुणे म्हणून ते बोलत होते. याप्रसंगी कारखान्याचे संचालक शैलेश रासकर, आजी माजी सैनिक संघटनेचे अध्यक्ष बाळासाहेब शेंडकर, ॲड. गणेश आळंदीकर, उपाध्यक्ष रामचंद्र शेलार, भगवान माळशिकारे, सचिव रामदास कारंडे, राजाराम शेंडकर, मोहन शेंडकर, नितीन शेंडकर, दत्तात्रय चोरगे, मोहन गायकवाड, किरण सोरटे, युवराज चव्हाण, सोमेश्वर अशोक रासकर, गणेश शेंडकर, अनिल चौधरी, राजाभाऊ थोपटे, भारत मदने, संजय पडवळ, पांडुरंग मांडगे, बबन ढोपरे, महेश पाठक, ज्ञानेश्वर कुंभार, रविंद्र कोरडे आदी आजी माजी सैनिक तसेच सोमेश्वर स्पोर्ट्स ॲकॅडमी अध्यक्ष भाऊसो लकडे आदी मान्यवर हजर होते.
प्रास्ताविकामध्ये ॲड.गणेश आळंदीकर यांनी संस्थापक व जिल्हा क्रिडा अधिकारी जगन्नाथ लकडे यांच्या मार्गदर्शनाखाली सैनिक संघटनेने राबवलेल्या उपक्रमाची माहीती दिली. यावेळी कोऱ्हाळे येथील वीर पत्नी शितल बिंटु सुळ यांचा सन्मान करण्यात आला. तसेच देशभक्तीपर गे नृत्य सादर करणाऱ्या कृत्तिका किरण सोरटे हिचाही स करण्यात आला. उपस्थितांचे आभार भगवान माळशिकारे यांनी मानले.