SAD DEMISE : बारामतीतील प्रसिद्ध व्यापारी शांतीशेठ सराफ यांचं अल्पशा आजाराने निधन

बारामती : प्रतिनिधी

माळेगाव सहकारी साखर कारखान्याचे माजी संचालक, बारामतीचे माजी उपनगराध्यक्ष, अनेकांत एज्युकेशन सोसायटीचे माजी अध्यक्ष आणि बारामतीतील प्रसिद्ध सोन्याचे व्यापारी शांतीकुमार जंबुकुमार शहा (सराफ) यांचे आज अल्पशा आजाराने निधन झाले. त्यांच्या निधनाने बारामतीत हळहळ व्यक्त होत आहे.

बारामतीतील विविध सामाजिक आणि धार्मिक कार्यक्रमांमध्ये शांतीशेठ सराफ यांचा सहभाग होता. माळेगाव कारखान्याच्या संचालकपदासह अनेकांत एज्युकेशन सोसायटीच्या अध्यक्ष म्हणून त्यांनी भरीव काम केलं. मागील काही दिवसांपासून त्यांच्यावर पुण्यातील खासगी रुग्णालयात उपचार सुरू होते. मात्र आज उपचारादरम्यान त्यांची प्राणज्योत मालवली.

शांतीशेठ सराफ यांच्या पश्चात दोन मुले, एक मुलगी, सुना, जावई, नातवंडे असा परिवार आहे. शांतीशेठ सराफ यांच्या निधनानंतर बारामतीत हळहळ व्यक्त होत आहे.