बारामती : प्रतिनिधी
बारामती तालुक्यातील सोनगावचे सुपुत्र सीआरपीएफ जवान अशोक बापूराव इंगवले यांना देशसेवा बजावत असताना वीरमरण आले आहे. आज सकाळी त्यांची प्राणज्योत मालवली.
सोनगाव येथील अशोक इंगवले हे सीआरपीएफमध्ये कार्यरत होते. प्रचंड देशाभिमान बाळगणाऱ्या अशोक इंगवले यांनी सोनगावमध्येही सीमेवर कार्यरत असलेल्या जवानांप्रती कृतज्ञता व्यक्त करण्यासाठी विविध कार्यक्रमांचे आयोजन केले होते.
गावातील सार्वजनिक कार्यात हिरीरीने सहभागी होणाऱ्या अशोक इंगवले यांना आज सकाळी वीरमरण आले. त्यांच्या जाण्याने सोनगावसह बारामती तालुक्यावर शोककळा पसरली आहे.