CRIME BREAKING : बारामतीत गोळीबार; शहरातील गुन्हेगारीचा प्रश्न पुन्हा ऐरणीवर..?

बारामती : प्रतिनिधी

बारामती शहरातील भिगवण रस्त्यावरील रिलायन्स पेट्रोल पंपाच्या परिसरात एकावर गोळीबार करण्यात आला आहे. या घटनेत गणेश जाधव हा जखमी झाला असून त्याच्यावर बारामतीतील खासगी रुग्णालयात उपचार सुरु आहेत.

आज सायंकाळच्या सुमारास रिलायन्स पेट्रोलपंपावर गणेश जाधव याच्यावर दुचाकीवरुन आलेल्या अज्ञात हल्लेखोरांनी गोळीबार केला. यामध्ये गणेश जाधव हा जखमी झाला असून त्याला बारामतीतील खासगी रुग्णालयात दाखल करण्यात आले आहे.

दरम्यान, या घटनेनंतर वरीष्ठ पोलिस अधिकाऱ्यांनी घटनास्थळी भेट देत घटनेची माहिती घेतली. मागील काही दिवसांपूर्वी झालेल्या वादातून ही घटना घडल्याची प्राथमिक माहिती आहे. या घटनेमुळे शहरात एकच खळबळ उडाली असून गुन्हेगारीचा प्रश्न ऐरणीवर आला आहे.