इंदापूर : प्रतिनिधी
बारामतीतील प्रशिक्षण संस्थेचं शिकाऊ विमान तांत्रिक बिघाड झाल्यामुळे इंदापूर तालुक्यातील कडबनवाडी येथे कोसळल्याची घटना आज सकाळी घडली. सुदैवाने यातील वैमानिक तरुणी सुखरुप आहे. मात्र या घटनेत विमानाचे मोठ्या प्रमाणात नुकसान झाले आहे.
याबाबत माहिती अशी की, आज सकाळी बारामतीतील वैमानिक प्रशिक्षण केंद्रातील विमानांची कसरत सुरु होती. यातील एक विमान तांत्रिक बिघाड झाल्यामुळे कडबनवाडी येथील एका शेतात कोसळले.
या घटनेनंतर स्थानिक नागरीकांनी या विमानातील वैमानिक तरुणीला सुखरुप बाहेर काढले. या तरुणीला किरकोळ जखमा झाल्या आहेत. या घटनेत विमानाचे मोठ्या प्रमाणात नुकसान झाले आहे.