BIG NEWS : अजितदादांचा उद्या बारामती दौरा; सकाळी होणार ‘जनता दरबार’

बारामती : प्रतिनिधी

विरोधी पक्षनेते अजित पवार हे उद्या शनिवार दि. ७ जानेवारी रोजी बारामती दौऱ्यावर येत आहेत. सकाळी ६ वाजल्यापासून अजितदादांच्या दौऱ्याला सुरुवात होणार आहे. तर सकाळी १०.३० वाजता विद्या प्रतिष्ठान शैक्षणिक संकुलामध्ये जनता दरबाराचे आयोजन करण्यात आले आहे.

अधिवेशनानंतर प्रथमच अजितदादा उद्या बारामतीत येत आहेत. सकाळी ६ वाजता त्यांच्या दौऱ्याला सुरुवात होणार असून ६ वाजल्यापासून बारामती शहर आणि परिसरातील विकासकामांची ते पाहणी करतील. त्यानंतर सकाळी १० वाजता विद्या प्रतिष्ठान संकुलातील मैदानात सुरू असलेल्या मिनी ऑलिम्पिक कबड्डी स्पर्धेला अजितदादा सदिच्छा भेट देणार आहेत.

सकाळी १०.३० वाजता विद्या प्रतिष्ठान शैक्षणिक संकुलात अजितदादांच्या जनता दरबाराचे आयोजन करण्यात आले आहे. अजितदादा वर्षानुवर्षे जनता दरबार घेऊन नागरिकांच्या अडचणींवर तोडगा काढत असतात. आलेल्या व्यक्तीच्या कामावर तात्काळ प्रशासनाला सूचना देऊन अजितदादा आलेली कामे हातावेगळी करत असतात. त्यामुळे नागरिक मोठ्या संख्येने जनता दरबारात हजेरी लावत असतात.