बारामती : प्रतिनिधी
बारामती शहरातील श्रीरामनगर परिसरातील कविवर्य मोरोपंत शाळेजवळ एका व्यक्तीचा खून झाला आहे. कोयत्याने वार करत शशिकांत कारंडे यांचा भरदिवसा खून करण्यात आला. प्रेम प्रकरणातून हा खून झाल्याची प्राथमिक माहिती मिळत आहे.
बारामती शहरातील श्रीरामनगर येथील कविवर्य मोरोपंत शाळेजवळ आज दुपारच्या सुमारास शशिकांत कारंडे यांचा कोयत्याने वार करत खून करण्यात आला. या घटनेची माहिती मिळताच नागरिकांनी घटनास्थळी मोठी गर्दी केली. बारामती शहर पोलिसांनी घटनास्थळी दाखल होत तपासाला सुरुवात केली आहे.
दरम्यान, बारामती शहरात काही दिवसांपूर्वी प्रेमात अडथळा ठरत असल्याच्या कारणावरून एका अल्पवयीन मुलावर चाकू हल्ला झाला होता. त्याच प्रकरणातून आजचा खून झाल्याची प्राथमिक माहिती मिळत आहे.