कांदा बाजारभाव वधारले!

ह्याचा प्रसार करा

कांदा उत्पादक शेतकऱ्यांना मोठा दिलासा मिळाला.

गेल्या सप्ताहातील सोमवारपासून चालू सप्ताहातील सोमवारपर्यंत दिवसागणिक उन्हाळ तसेच नवीन लाल कांद्याचे बाजारभाव खाली खाली येताना बुधवारी कांदा उत्पादक शेतकऱ्यांना दिलासा मिळाला. बुधवारी कांदा बाजारभाव पूर्वीच्या तुलनेत काहीसे वधारले.

येवल्यात बुधवारी उन्हाळ तसेच नवीन लाल कांद्याचे बाजारभाव पूर्वीच्या तुलनेत वाढले गेले. येवला बाजार समितीच्या येवला मुख्य बाजार आवारात बुधवारी ५६१ ट्रॅक्टरमधून आठ हजार क्विंटल कांदा आवक झाली. येथे उन्हाळ कांद्यास प्रतिक्विंटल किमान ५०० ते कमाल २४४१ (सरासरी १८००) रुपये, तर नवीन लाल कांद्यास किमान ५०० ते कमाल २४२५ (सरासरी २१००) रुपये असा बाजारभाव मिळाला. अंदरसूल उपबाजार आवारात १७५ ट्रॅक्टर व ११५ रिक्षा पिकअप मधून सुमारे ३ हजार क्विंटल कांदा आवक झाली. येथे स्थानिक कांदा खरेदीदार व्यापाऱ्यांनी उन्हाळ कांदा प्रतिक्विंटल किमान २०० ते कमाल २०५० (सरासरी १६००) रुपये, तर नवीन लाल कांदा किमान ७०० ते कमाल २४०० (सरासरी २२००) रुपये या दराने खरेदी केला.