बारामती : प्रतिनिधी
विरोधी पक्षनेते अजित पवार हे उद्या सोमवार दि. २९ मे रोजी बारामती दौऱ्यावर येत आहेत. पहाटे ६ वाजल्यापासून त्यांच्या दौऱ्याला सुरुवात होणार असून सकाळी ते बारामतीतील विविध विकासकामांना भेटी देणार आहेत. तर सकाळी ९ वाजता विद्या प्रतिष्ठान शैक्षणिक संकुलात जनता दरबाराचेही आयोजन करण्यात आले आहे.
विरोधी पक्षनेते अजित पवार यांचा उद्या बारामती दौरा होत आहे. पहाटेपासून अजितदादा विविध विकासकामांची पाहणी करणार आहेत. त्यानंतर ते सकाळी ९ वाजता विद्या प्रतिष्ठान शैक्षणिक संकुलात जनता दरबारात उपस्थित राहून नागरिकांच्या समस्या जाणून घेणार आहेत. दुपारनंतर बारामती शहरात आयोजित कार्यक्रमांना उपस्थित राहून ते पुढील नियोजित दौऱ्यासाठी रवाना होणार आहेत.
बारामतीत वर्षानुवर्षे अजितदादा जनता दरबार आयोजित करून नागरिकांची गाऱ्हाणी ऐकून घेऊन त्यावर तात्काळ निर्णय घेत असतात. त्यामुळे अजितदादांच्या जनता दरबारासाठी नागरिकांची गर्दी लक्षणीय असते. आपली समस्या तात्काळ मार्गी लागणार हा विश्वास जनता दरबारासाठी उपस्थित राहणाऱ्या नागरिकांना असतो. विशेष म्हणजे, अजितदादांकडूनही नागरिकांच्या अडचणी समजावून घेऊन त्याबद्दल संबंधित अधिकारी वर्गाला तात्काळ सूचना दिल्या जातात.
