बारामती : प्रतिनिधी
बारामती शहर पोलिस ठाण्याच्या पोलिस निरीक्षकपदी सुनिल महाडिक यांची नियूक्ती करण्यात आली आहे. नामदेव शिंदे यांची मुख्यालयात तडकाफडकी बदली करण्यात आली असून गेल्या काही दिवसांपूर्वी घडलेल्या एका प्रकरणात त्यांचा सहभाग समोर आल्याने त्यांची बदली झाल्याची चर्चा होऊ लागली आहे.
बारामती शहर पोलिस ठाण्याची सुत्रे आज पोलिस निरीक्षक सुनिल महाडिक यांच्याकडे देण्यासंदर्भात आदेश पारित झाले आहेत. त्यानुसार आज पोलिस निरीक्षक सुनिल महाडीक हे आपला पदभार स्वीकारणार आहेत. जेजुरीत कार्यरत असलेल्या सुनिल महाडीक यांच्यावर बारामतीची जबाबदारी देण्यात आली आहे.
दरम्यान, शहर पोलिस ठाण्याचे पोलिस निरीक्षक नामदेव शिंदे यांची तडकाफडकी बदली करण्यात आली आहे. त्यांना मुख्यालयात नेमणुक देण्यात आली आहे. मागील काही दिवसांपासून नामदेव शिंदे यांच्या एका प्रकरणाची चर्चा रंगली होती. त्यातूनच त्यांची उचलबांगडी झाल्याचे बोलले जात आहे.
